منتدى خرابيش

عمر عدنان العبداللات

كاثرين هيغل

أنشئ بواسطة عمرعدنان العبداللات
المخربشين فداء سليمان خريسات



ماليش كثير على العلاقات الاجتماعية وكسب أصدقاء جداد،
حتى أصحابي همه نفسهم اصحابي من صف ثالث!

بس من فترة أعجبت بممثلة أمريكية اسمها "كاثرين هيغل"
وشفتلها فيلم أو فيلمين وأكمن حلقة من مسلسلها. ممثلة شاطرة وجميلة.

ما بعرف ليش بس صرت أبحث عنها على النت، وعرفت عنها معلومات مثل:
بتحب الكلاب وعندها حوالي ٨ كلاب.
عندها أطفال بالتبني.
متزوجة من عازف موسيقي.
مواليد ٢٤ ١١ ١٩٧٨

أنا كمان مواليد نفس اليوم والسنة والشهر!!

صرت افكر معقول بما أنه أنا وكاثرين من نفس البرج (برج القوس) ممكن يكون في أشياء مشتركة بيني وبينها؟!

المشكلة.. ما عم بلاقي إشي مشترك!

مثلاً: كاثرين اجتماعية وأنا لأ!

بتحب الكلاب وأنا بحب القطط!

محبة للحياة وأنا نوعاً ما عايف حالي!

كاثرين هيغل بترد على التعليقات في صفحتها الفيس بوك وأنا قمت بإيقاف التعليقات!

حاولت التواصل معها، قلت يمكن انصير أصدقاء بالفيس بوك،
تشوف رسمتي وتحط لايك وتعلق عبقري أبوالعبداللات.

وأنا أرد: مسلسلك الأخير رهيب (مع أنه ضد العرب)!

الغريب العجيب، هو إنها بترد على كل التعليقات في صفحتها بس بتفشق عن تعليقي كُل مرّة!

طيب.. على حساب ممثلة متواضعة وبتردي على الكل؟!
ولا علشان انا عربي مش شايفتيني وبتحكي هدول عرب وداعش فانسى؟!

وأنا مفكر أنه أنا وانتي برج قوس واضرب واطرح.

صحيح.. كذب المنجمون ولو صدقوا.

عمر عدنان العبداللات

2 1

0