منتدى خرابيش

Admin

"عادات مضحكة تظهر من أول 10 دقائق صيام"

أنشئ بواسطة خرابيش


هل هلال رمضان وهلت معه الخير والبركة والحمد لله،
لكن لا يخلو الأمر من ظهور عادات وتصرفات غريبة عجيبة من الصايمين!

مثلا لسا الشب ما إله 10 دقايق صاحي لسا يا دوب فتح عيونه بمرق من جنبه أخوه الصغير وبخبط فيه بالغلط وبيصير الشب يصرخ ويقول " اللهم إني صائم!! إتركو الواحد بيكفيه صيامة"
ليش إنت لحقت تعطش ولا تجوع ولا تعصب أو حتى تصوم .. ليش إنت لحقت تصوم!!

مثال تاني عالعادات الغريبة،
بتقوم الأم الله يخليها من الساعة 9، الساعة 9:10 بتستدعي كل فتيات المنزل للمطبخ!
وبتبلش توزيع مهام وواجبات.. إنتِ السلطات .. إنتِ بلشي بالقطايف .. إنتِ إنقعي اللبن الجميد.. إنت بلشي جهزي بالقطر..إنتِ عليكي الرز.. وأنا بجهز العجين!
يا حجة لسا باقي 12 ساعة للفطور!

مثال ثالث عالعادات الغريبة لكن هاي العادة بالذات الكل بيجمع على إنها العادة "الأكثر إزعاجا"،
ويالي هي المفرقعات النارية يالي بيلعبو فيها الأطفال!
يلي دايما ظهورها بتزامن مع شهر رمضان لأسباب مجهولة،
الطفل بصحى عالساعة 7.. قبل ال 7:10 بتبلش المفرقعات تشتغل بأصواتها العذبة..

شاركونا عادات غريبة ومضحكة بتشوفوها أو بتعيشوها أنتو كمان خلال شهر رمضان.
وكل سنة وإنتم سالمين :)



0 0

0