منتدى خرابيش

mohammad aklik

شخ صيتي

أنشئ بواسطة mdaklik
المخربشين Ibrahim Waleed


القواعد : قوانين واعراف وآليات تحدد سير شيء - او بالاحرى هي نمط وسلوك يحدده الفرد او مجموعة من الناس لتنظيم الامور بغض النظر عن ماهية الامور
القواعد او الضوابط يلي الواحد بحطها بحياتو هي اشياء بتحدد شخصية الشخص - وبتوجه اهتماماته الى طريق معينة - وزي ما في قواعد لكل شخص فرضها على حاله - في قواعد حطوها مجموعة من الناس منتخبين من الناس عشان يعملوا قواعد عامة للناس بتنظم حياتهم واسلوب التعامل فيما بينهم .

والقواعد اشياء ممكن انو الواحد يخترقها بس هي بالاصل الافضل انو ما يتم اختراقها او تغيرها او تهميشها - لانه القواعد (الضوابط ) وجدت لتصنيف الاشخاص - يعني انا بحب وبكره وبعمل او ما بعمل حسب اشياء انا محددهم لحالي يعني قواعدي= شخصيتي ,,, يعني انا وين مكاني بالمجتمع
بغض النظر عن القواعد العامة او الضوابط الاجتماعية والدينية والاخلاقية يلي مو لازم يكون فيها اي نوع من الكسر او التغير لانها تحمي مجموعة الناس يلي بكونوا المجتمع ,,, ويلي الها دور اساسي في بناء الشخص لذاتو وتكوين شخصيته وضبط نفسه بمجموعة قواعد تساعد الشخص على عيش حياته بطريقة سليمة ضمن نطاق مجتمعي محدد .

يعني ما حدا يحكي (اذا كانت قواعدي بالبلد يلي انا فيها كذا عشان اتماشى مع المجتمع يلي انا موجود فيه هاد بيعني انو انا اذا سافرت بقدر اغير قواعدي حسب المجتمع يلي انا فيه )
طبعا لا -
في قواعد عالمية بتجمع كل البشر وهي قواعد (انسانية) - يعني اساس في خلق الانسان وتكوينه فيها بفرق الواحد فينا بين الصح والغلط وهاي اشياء بالوضع الطبيعي للبشر كلنا منتساوى فيها
وهاد بيعني انو انا اذا سافرت مش ضروري انخرط لالمجتمع التاني عن طريق تغير قواعدي الاصلية يلي كونت شخصيتي بالمقام الاول --
ولا يعني اني اجمع اشياء انا بنظري حلوة او ممكن تخدم اهدافي الدنيوية زي اني اكون مشهور او معروف او كوول او مش معقول او اي اشي تاني - وارجع بهاي الافكار الجديدة على البلد يلي انا طلعت منها وافرض على الناس تفكير جديد وقواعد جديدة ما بتتناسب مع المجتمع ولا مع تفكيره

من الغباء انو الانسان يضل على حاله وتفكيره مع مرور الوقت - اكيد الانسان لازم يطور حاله ويوسع مداركه الفكرية والمعرفية بمختلف الطرق - بس هاد لا يعني اني اغير بالاساسات يلي حطيتها لحالي - يعين اكيد وزي ما كل حدا بيعرف انو اي بناء بالعالم له اساسات - فائدة الاساسات انها تمسك البناء وكل اساسات المباني متشابهة بس مش ضروري الابنية كمان تكون متشابهة - وهاد حالنا مع القواعد يلي بتبني شخصيتنا - عندي اساس (ديني - عملي - انساني -اجتماعي -شخصي ) كلها مجتمه بتخليني انسان وهاي هي شخصيتي اذا بغير فيها بيتغير اساسي وعلى اساسو بتنهار شخصيتي وكل هاي العوامل ممكن تطويرها لا تغيرها


وكل هاد الحكي المتعلق بالقواعد عشان احكي لحالي ولغيري مين ما كان راح يقرأ هاد الاشي لكل مجتمع اشياءه الخاصة بخض النظر كيف احنا منشوفها بس

ولازم نحترم هاي الاشياء بس في فرق انو الواحد يعمل اشي بيتناسب مع افكاره المبنيه على اساس شخصيته المبنية بالاصل من كل العوامل المحيطه فيه و انو الواحد يحاول يكسر قواعده وقواعد مجتمعه ويدخل افكار جديدة على المجتمع يلي هو فيه عشان اهداف هي بالاغلب راح تغير نظرته لحاله ونظره المجتمع له
بالنهاية كلنا حابين نتطور ونتاقلم مع اي شي جديد بس مش ضروري نغير تفكيرنا المتأصل والمترسخ فينا و بمجتمعاتنا عشان اهداف ما بتتماشى مع اصلنا العربي وعاداتنا الاصيله
" كلكم راع وكلكم مسؤول عن رعيته" كلنا مسؤولين عن انفسنا وعن الاجيال يلي راح تكون بعدنا
خلي قراراتنا تكون صحيحة وما نقلد الغرب لمجرد التقليد
قال عليه الصلاة والسلام ( لتتبعن سنن من كان قبلكم شبرا بشبر وذراعا بذراع حتى لو دخلوا جحر ضب تبعتموهم، )

3 1

2