منتدى خرابيش

Admin

رمضان الجميل.

أنشئ بواسطة خرابيش


أيام قليلة رح تفصلنا عن شهر رمضان الفضيل،
أيام قليلة ورح نتجمع كلنا على طاولة وحدة وعلى هدف واحد،
أيام قليلة ورح نرجع نلتقي بقرايبنا وأغلب أصحابنا يلي سرقهم منا الإنشغال،
رح نرجع نتشارك أمور وعادات وعبادات كنا إنجبرنا نتركها لفترة، بس رمضان برجع دائمآ وهو حامل معه كل الأشياء اللطيفة والسمحة والمسالمه،

من أول ساعة لآخر ساعة من اليوم والأجواء غير، حتى ريحة الشوارع غير،

وكل واحد بالبيت إله مهام لإجتماع عائلي رائع و فطور شهي،
من قطايف رح يجيبها الأخ وما رح ينسى معها الجوز و اللوز، ومن عرق السوس والليمون من الأب وهو راجع من صلاه العصر ، والروائح غير شكل من إيدين الإم وبناتها،

وبعد الحمدلله في صلاة رح يتشاركوها كل العيلة كمان، وبالطريق للمسجد رح يفرح قلبك من أضواء الشوارع والحياة والحيوية يلي منتشرة عالكل رغم تأخر الوقت.

رمضان الجميل مستحيل يمر مرور الكرام، لازم يجمعنا مع قدومه دائمآ وينشر الحب والسلام والإيمان.

رمضان كريم وجميل عالجميع.

0 0

0