منتدى خرابيش

Reem Shomali

دراما تركي والا كوري؟ #كوري_بينا_يا دنيا

أنشئ بواسطة ReemShomali

الى كل متابعي الدراما التركية.. كيف؟ كيف؟
جد كيف بتحضروا 3400 حلقة من الجزء الاول وبتحضروا بعده الجزء 2 و3؟
يعني فهموا راسي كيف ممكن واحد يكون بيحب صاحبة مرته وبيضل يخون مرته وهي مش دارية عن الطبخة..و هي مرته بالاصل بتخونه مع صياد السمك وبنتهم بتطلع بنت السواق.. وبنت جيرانهم بتطلع اختها، والشغالة بالبيت بتعرف كل القصة.. وبتضل تهددهم وبالاخر ما بتحكي وبتنشل وبتنخرس.. والكل عارف القصة الا المرة وجوزها ما بيدروا بالقصة الا باخر ثانية من الجزء الاخير..
وفوق هاد كله و3 سنين من وقتكم رايح وما بيعطوكوا فرصة تنبسطوا بانكشاف القصة!! لانه باخر ثانية بـتـنـط ال MBC نـط بالدعاية الي بتفقعها عالجنب الي عشان يخبروكم عن المسلسل الجديد الي 100% رح تنبلوا فيه، ولما تبدوا بالمسلسل الجديد بتقعدوا تقنعوا كل الكوكب يحضره وبتسلخوا السولافة الدائمة (انه جد احضروه هاد احلى من كل المسلسلات الي قبل)
المهم بعرضكم.. لا تضلكم تحضروا تركي.. لانه زودتوها كتير فايتين بالجو.. وصرنا نشوف كل بنات عمان مشيرين صور دمار وخيانة.. وكلهم دايرين ورا صفحة (د. معتز كوكش)
ما عليييييينا!! المهم
مالها الدراما الكورية؟ انا شخصيا صرت حاضرة 3 حلقات مسلسل كوري واحلى من هيك ما في!! مسلسل ابو 30 حلقة (دقة قديمة) ابو سريع.. حب ورومانسية وكوميديا عبيطة ع هبل شوي ترا هالكوريين مالهمش عالمزح.. فجأة بينط كين تان يمزح مع هديك ام نكد.. بحطلها اجر يعرقلها ع صباحها وبيقعد يتخوت عليها طبعا كل هاد لانه بيحبها كان بده يشقلبها.. بتنط هي بتحكيله "ارجوك كين تان لا تتهكم"! ياخي وهم بحكوا عربي فصحى غير شكل هالكوريين!
المهم انا من اليوم ارفع شعار:
‫#‏نعم_للدراما_الكورية‬ ‫#‏قاطعوا_مهند‬ ‫#‏انا_بحب_كين_تان‬ (الشب ‫#‏الكوري_الحليوة‬) ‫#‏نعم_لشادي_الشيخ‬ ‫#‏لا_لمعتز_كوكش‬ (مع الاحترام) والله بس يا زلمة كتير دراما! خف عالبنات رح يطلقوا جوازهم من وراك!! وشادي الشيخ مرح ومزيح وبيحسن نفسية الصبايا! ومش غلط تمروا ع صفحة ‫#‏أسامة_الاغبر‬ هاد بيضارب ع شادي الشيخ.. ‫#‏كوري_بينا_يا_دنيا‬ ‫#‏دوخينا_يا_دنيا‬ ‫#‏كين_تان_لايت‬ ‫#‏مالبورو_احمر‬ ‫#‏لا_تتهكم‬ ‫#‏كوري_يس‬ ‫#‏تركي_نوو‬ ‫#‏شادي_يس‬ ‫#‏معتز_نو‬ ‫#‏ملقت‬ ‫#‏باي‬

3 0

1