منتدى خرابيش

mohammad alsharif

خط الفقر

أنشئ بواسطة alsarif

عقولة الحج ابو شفة ..
هيهيهيهيوووووووو
دخيلك و مين قلك انو الفقير بنام مرتاح ؟؟
مين بقلكوا هالحكايات لخرافية عن عمو الفقير
تعالي احكيلك عن الفقير
الفقير هو عمو ابو السعيد , اللي خدم في الامانة كثير , و بالاخير ....150 شهري , 150 لمين ولا لمين
للخبز ولا الكاز عشان يعبوا البابور و يطبخوا عليه ولا عشان يشتريلوا شوال معونة من اخواننا اللاجئين السوريين ولا عشان المي و الكهربا ولا عشان يشتري مشمّع نايلون من عند ابو محمد يغطي فيه الزينكو عشان ما يندف عليه برد و مطر , 150 عشان خليل اللي بالصف العاشر ولا سمية اللي بالصف الثامن ولا نقوط لسعاد اللي عرسها بعد اسبوعين ولا نقوط لبنتو سميرة اللي اجاها بنت ولا كيس رز ابو خمسة كيلو ولا زتون مضروب للشتوية "ابو الكيلو بليرة و شوي "
سعيد اشتغل و الله فتحها ع دار ابو السعيد
سعيد بلحق ال 10 ليرات باليوم الله يحرسوا و يقويه بس سعيد ....
سعيد ما رح يحلم يلحق اكثر من ال 15 باليوم بعد 5 سنين لانو حبتوا قليلة و فهمو ع قدوا و يا دوبها الله ساترها معو ...
احكيلك عن الفقر كمان ....
لا ....خليني اكمل عن ابو السعيد بالاول ....
ابو السعيد هالايام بكون ماشي و شايف علب البيبسي و الكولا الفاضية بالشارع حبات فلافل للاولاد
ابو السعيد لما يشتري مكنسة قش من ابو نعيم اللي ع راس الشارع بيقلوا قديش حقها يا ابو نعبم ؟
قد ما بدك يا ابو السعيد
لا يا سيدي خود مني زيي زي الناس
ع اساس ابو السعيد بحاول يحافظ ع شوية الكبرياء اللي ضلوا
مين اخدهم .....كلنا ادرى مين
ابو السعيد قبل ما ينام بحسب مليون حسبة
يا ترى الالومنيوم مع 6 ليرات من سعيد يجيبوا كيس سكر للشهر الجاي ؟؟
طيب و ازا جبنا السكر من وين بدنا ننطبخ بكرا يا حسرة
و لا , عندي كمان فاتورة كهربا بكرا هه
يا عيني , و من وين بدنا ننقط البنت بكرا
ااااااااااااااااااااااخ اخخ ااااخ
يا رب ....افرجها علينا
و بينام ابو السعيد , بينام من كتر ما تعبوا عيونوا من السهر و التفكير , بينام و الحسرة بقلبوا ع سعيد اللي مش قادر يبنيلوا غرفة و منافعها عندوا عالسطوح عشان لما يفكر بكرا يتجوز يلاقي سقف يلموا ....
شو !! زينكو ؟؟ ..........اااااااه
يا ستي ابو السعيد دارو غرفتين و نص و منافعهم ......
غرفو و نص عقدة و 3/4 غرفة زينكو
الله اعلم كيف قطعهم من جوا ابو السعيد
بدك احكيلك كمان عن الفقير و كيف بنام
لسّا في ابو خليل و ابو احمد و ابو يوسف وابو محمدوووو.......
برأيك بنامو اسرع من ابو السعيد ولا شو ؟؟
و بالك ليش المستثمرين بستثمروا برا الاردن
يا ترى انا زي ابو السعيد ولا ازفت منو
يا ترى اللي زي ابو السعيد فارقة معهم شو هو الشغل ؟؟
ولا المهم راتب اخر الاسبوع
يا ترى بتقدري تخمني اجوبة الاسئلة زي ما خمنتي انو الفقراء بنامو براحة البال ؟؟
ولا ما بدك تجاوبي اصلا :)
اعذريني بس هي ......فشّة غلّ و اجت فيكي .

0 0

0