منتدى خرابيش

majd alhusany

إمرأة السوق...

أنشئ بواسطة majdalhusany



مرحبا
اكيد كلنا لما بدنا اشي بنروح على السوق و بنروح و بنفوت محلات كتير مشان نتفرج و نستقر باللآخر على اشي
طبعا هاد بشكل عام

بس موضوعنا اليوم عن الأخت اللي ابتنزل تشتريلها لبسة معينه

طبعا ما في محل ولا محلين بالبلد .. في سوق كبير

و بدها تنزل تسري سروة من صباحية الله مشان تتفرج و تقيس بالمحلات مشان تشوف شو المناسب و تشريه

لنحكي مثلا بالمحل الأول ..
فاتت و في النوع الي ما بسلم ولا برحب من النسوان بس يفوت على المحل .. مفكرة حالها فايتة على خان !!
المهم بتصير تقلب و تتفرج على محل ابوها عفوا محل الزلمة مشان تتفرج ! ... و الزلمة بيحكيلها اهلا و سهلا و شو بدك نساعدك طبعا هي عامله حالها مش سامعه !! .. مش عارف ليش ... المهم بس تشوف كم شغله بتحكيلو اغلبك بدي من هاد النمرة الفلانية و من هاد و من هاد .. يعني بتاخد كم من قطعه مشان تشوف كيف بيجو عليها ..و هاد حقها !!

اخدت قاست و كل اشي تمام طبعا هي بتكون سائله كل قطعهة كم سعرها ... و بالأول قدرت تخبي الصدمة هههههه
و بتقول عادي مش مشكله المهم تقيس و على الدنيا السلام

داخل غرفة القياس حكايه تانية ...

سكرت الباب و حطت الاطقم على العلاقه بس ما ضل وساع ل اواعيها ! ... ف حطت طقم على الارض مشان تعمل وساع ل اواعيها ! ...

و لبست كل اشي و خلصت شالت الاواعي عن الارض و مسكتهم متل بكسة البندورة :@ ... و طلعت .. حطتهم على الطاولة ... و الكقم اللي اعجبها هو اغلى واحده بالعاده مش عارف ليش !! ...

هون لحظة الجلطه !!

اديش بدك تحسبلي اياه بتسأل المرة .. بيحكيلها السعر الفلاني ... بتحكيلو يووووووه و على ايش كلو خلئة قماش
هههههههههه

عاد التاجر وقتها بدو ينجلط و يطردها من المحل
فـ برد عليها و بيحكيلها هيك سعرو هاد صناعه البلد الفلاني و قماشو نوعو هيك ! ... هلا المرة عارفه لانها خازءة السوق .. بس خلص طبع فيهم المفاصله !! ... طبعا انا بسميها تبخيش بأسعار التاجر مش مفاصله !!

المهم بعد ما تنشف ريقو للتاجر .. بتحكيلو طيب انا اخدت فكرة و ان النا نصيب بنرجع .. و السنه الجاي ابترجع و بتحكيلك انا زبونتك .. و ما عمرها شرت !! ...

نيجي ل النوع التاني من النسوان

اللي انا بسميهم القياسات الغلط ! ..

القياسات الغلط ليش !!

هلا مع احترامي للجميع بدون استثناء و من دون اي حزازية
انتي ابتلبسي 44 و مبين على كسمك ما شاء الله انو 44 .. ليش ابتحكي اانا بلبس 40 او 42 .. يا عمي والله مبينة !! ,,, وحيات امي مبينة ! ... من دون ما تحكي .. بس مرات التاجر بيسال مشان يتأكد .. تسحيش !!

التاجر بدو مصلحتك مشان لما يعطيكي نمرتك يكون عليكي الطقم او الاشي الي بدك اياه حلو ! ... مش اشي مبهدل ! ...

و مشان لما يعطيكي نمرة اكبر التاجر بدوش تمزعيلو القطعه تاعتو بحال ما شريتيها

نيجي ل الناس اللي هوايتها القياس .....

حسبي الله و نعم الوكيل بس بهالنوع !

بتاخد من كل قطع المحل نمرتها و بتقيس عادي مهي رياضة ...

و بتصفط على الطاولة و صاحب المحل بستنا ...بستنا ... بستنا تخلص قياس ! ...

بعد ساعه .. ابتطلع .. بتحكيلو كم بدك تحسبلي هاد .. ( يعني عن اخر قطعه قاستها هي اللي عجبتها ) بيحكيلها سعر معين .. بتحكيلو ماشي شكرا الك غلبتك ان النا نصيب بنرجع و بتحمل حالها و بتروح ...
هلا مرات في تجّار بيسألو طب انتي حوالين اديه بدك سعر بتحكيلو لا انا مش حاطة ف بالي بس المهم اشي يعجبني ...

بس اتطلع على لبسها تلاقيها شارية من سوق الجمعه !! .. و ما بشمل الكل

نيجي للطبقه الراقيه و هدول نوارة النسوان
يختي عليهم شو بحبهم و بحب تعاملهم

تفتح باب المحل .. مرحبا كيفك .. اغلبك بدي الشغله الفلانية ... صاحب المحل على طلو بطوللها طلبها .. بتشوفو .. ابتطلب نمرتها الصح ... محدا يفهمني غلط ... ابتسال على سعرو و ازا حبت بتفاصل بالمعقول ... و بعدها بتروح تقيس المناسب .. عجبها شرتو .. ما عجبها .. ابتعتذر و هي بتعلق القطع او ابتتطويها مش ابترميها ل صاحب المحل

الله محي اصلك خالتي

عزيزتي الوالده و كلكو متل والدتي
صاحب المحل بسافرر على بلاد برة مشان يجيبلكو طلباتكو و أزواقكو
ان ما عجبتك شغله لا تحكيلو مش حلوة او لا لا لا لا شو هاااد احكيلو لو بالكزب حلوة بس مو طلبنا .. صاحب المحل الو مشاعر لما يحس انو بضاعتو مو مناسبة و الله بزعل و ببطل الو نفس يبيع !! ...

يختي افهميني منيح ... المفاصله مش شطارة .. المفاصله ادب و زوق و اخلاق طبعا ش تفكريها رخصة سواقه .. هاي مفاصله !!

يعني الاشي اللي بنباع 400 شيكل لا تحكيلو 150 .. انتي هيك ما فاصلتي انتي دمرتيه للزلمة .. بجوز تنزلي 50 او 100 بس مش اكتر !! .. ازا انتي ميزانيتك بحدود 150 ... روحي دوري على المحلات اللي فيها 150 ...

المفاصله مش انك تحكي ل التاجر بالأمانه و تربحش مني .. مين انتي !! ... امو !! .. اختو .. ولا مرتو التي لم يتزوجها من قبل ... صاحب المحل فاتح مشان يربح و يبيع .. صاحب المحل بدو يزوج ولادو بدو يبني من المحل الي عندو ... مش فاتح خدمة انسانية ! ... عليه فواتيرمي و كهربا و تلفونات و اجار محل و موظفين و الله يعينو !! ..

يا خالتي يا اختي المفاصله انك تحترمي التاجر مشان تفرضي احترامك عليه ...

وين رايحين لسا ما خلصت !!...انا طوووول الوقت و انا عم بحيك عن الزبونة

طب والتاجر مش دايما على حق .. هلا طول عمرنا بنسمع انو قانون السوق .. " ان الزبون دائما على حق " ...

بس اللي قال هالقانون بزمناتو كان زبون هلا صار صاحب محل و قال .. الزبون مش دايما على حق ..

احنا بشر يعني بنغلط .. مش انبياء معصومين عن الغلط ..

التاجر بيغلط انا بغلط ابن جيرانا بيغلط .. حتى ابي بيغلط !! ..

عزيزي التاجر ..لما تشوف ست من الستات اللي انتا عرفت انهم بنشفو دمك ... اتركها براحتها و اعمل حالك مش شايفها بتصير هي بدها اياك ..

بالنسبة ل السعر اكيد انتا بتبيع كل الناس نفس السعر .. اثبتلها هالاشي..

بالنهاية بقول

السوق للجميع و الله يكون بعون التاجر على النسوان و رجال النسوان اللي بحطو معاشاتهم مشان يشترو اطقم الهم ...

و السلام

1 0

0